चिमूटभर मीठचे आयुष्यातील महत्त्व आणि जास्त मिठाचे परिणाम!

आपण आहाराचा विचार करताना नेहमी फळं, कडधान्य, भाज्या याबद्दल विचार करतो. तसेच तज्ज्ञांद्वारे सल्ला मागताना देखील आहारात काय समाविष्ट करावे याविषयी चर्चा करतो आणि आपले डाएट देखील तशाप्रकारे बनवतो. परंतु आहारात सर्वात महत्वाचा घटक आपण या चर्चेत समाविष्ट करण्यास विसरतो, तो म्हणजे चिमूटभर मीठ! आपला आहार पूर्णत्वास जाण्यासाठी हा घटक अत्यंत महत्वाचा आहे. मिठाशिवाय अन्न अळणी होतं आणि त्या अन्नाचा एकही घास गिळला जाणं मुश्किल होतं यामुळे अन्नातील आणि आरोग्यासाठीचा सर्वात महत्वाचा घटक म्हणजे चिमूटभर मीठ! आज आपण त्याविषयी या लेखात माहिती मिळवणार आहोत. 

मीठ म्हणजे काय?

मीठ म्हणजे मुख्यतः सोडियम क्लोराईड या रासायनिक संयुगाचे एक साधे रूप आहे. हे आपल्या शरीराच्या विविध कार्यांसाठी आवश्यक आहे, जसे की पचनक्रिया, पेशींची कार्यप्रणाली, शरीरातील द्रवांचे संतुलन आणि नर्वस सिग्नल्सच्या ट्रान्स्मिशनसाठी देखील हे महत्वाचं आहे. साधारणपणे, आपल्या आहारात मीठ घेणे आवश्यक असते, परंतु त्याची मात्रा अत्यधिक होणे शरीरासाठी हानिकारक ठरू शकते. मीठ आहारात जास्त झाल्यास आरोग्यास हानी पोहोचण्याची शक्यता वर्तवता येते, त्यामुळे आहारात मिठाचे प्रमाण संतुलित असायला हवे. 

चिमूटभर मीठ आणि आरोग्य:

१) पाणी आणि द्रव संतुलन:

सोडियम, जो मीठाच्या मुख्य घटकांपैकी एक आहे, तो शरीरातील द्रवांचे संतुलन राखण्यासाठी अत्यंत महत्त्वाचा आहे. सोडियम आणि पाणी यांचे प्रमाण संतुलित असणे शरीराच्या सर्व जैविक कार्यांसाठी आवश्यक आहे. आपल्या आहारात मिठाचे प्रमाण जास्त असल्यास शरीर आवश्यकतेहून अधिक पाणी राखते, ज्यामुळे शरीरात सूज, रक्तदाब वाढणे आणि हृदयाच्या कार्यावर परिणाम होऊ शकतो.

२) रक्तदाबावर परिणाम:

मीठाचे अतिप्रमाणात सेवन केल्याने रक्तदाब वाढतो, कारण अधिक सोडियम शरीरात पाणी संचित करते. ज्यामुळे हृदयावर दबाव पडतो, जो हृदयविकार, स्ट्रोक आणि किडनीच्या समस्यांसाठी कारणीभूत ठरू शकतो. विशेषतः उच्च रक्तदाब असलेल्या लोकांसाठी आपल्या आहारात मीठ कमी करणे अत्यंत महत्त्वाचे आहे.

३) हाडांचे आरोग्य:

आहारात मीठ जर योग्य प्रमाणात असेल तर हाडं मजबूत होतात, परंतु जास्त मीठ शरीरात असले, तर जे हाडांच्या बळकटीसाठी आवश्यक असलेलं कॅल्शियम ते शोषून घेतं. यामुळे हाडांची घनता कमी होऊ शकते आणि हाडांच्या विकारांचा धोका वाढू शकतो.

चिमूटभर मीठ योग्य प्रमाणात कसे वापरावे?

मीठ आपल्या आहारात योग्यरित्या वापरले तर आपले आरोग्य सुदृढ व निरोगी होण्यास मदत होते तर मिठाचे प्रमाण जास्त झाल्यास आरोग्याला हानी पोहोचू शकते. यामुळे योग्य प्रमाणात मीठ कसे वापरावे हे समजून घेण्यासाठी हा लेख पूर्ण वाचावा. 

१) स्वाद व पोषण:

मीठ आपल्या आहाराच्या स्वादाला एक वेगळी चव देतं. थोडं मीठ असणं आवश्यक असतं, कारण ते आपल्या पचनक्रियेतील एन्जाइम्सला सक्रिय करते, ज्यामुळे आपला आहार अधिक चांगल्या प्रकारे पचण्यास मदत होते. तसेच, मीठ आपल्या शरीरात काही महत्वाचे मिनरल्स जसे की आयोडीन आणि झिंक देखील पुरवते.

२) आहारातील संतुलन:

एक साधारण नियम म्हणून, दररोज पाच ते सहा ग्राम मीठ (सोडियम) घेणं योग्य मानलं जातं. आपला शरीर अधिक मीठाच्या सेवनासाठी तयार नसते. आहारात मीठ जास्त प्रमाणात असेल तर ते शरीराच्या पाणी आणि इलेक्ट्रोलाइट्सच्या संतुलनात अडथळा आणू शकते.

चिमूटभर मीठ म्हणजे कमी, पण योग्य प्रमाणात मीठ घेणं. आपल्या आहारातील मीठ कमीत कमी ठेवलं पाहिजे. साधारणतः २ ते ३ ग्रॅम मीठ प्रतिदिन घेणं योग्य मानलं जातं. यापेक्षा जास्त मीठ घेतल्यास, त्याचे नकारात्मक परिणाम होऊ शकतात. यामुळे आपला आहार संतुलित असणे आणि त्यासोबतच आहारात मीठ संतुलित असणे अत्यंत आवश्यक आहे.