हे ५ लठ्ठपणा कमी करण्याचे उपाय देतील तुम्हाला आरोग्यदायी जीवन!

शरीराचा लठ्ठपणा अत्यंत धोकादायक बाब आहे. लठ्ठपणा अनेक रोगांना आमंत्रणाचे कारण देखील होऊ शकते. त्यामुळे लठ्ठपणा लवकरात लवकर कमी करण्याचा प्रयत्न आपण करायला हवा. लठ्ठपणा कमी करण्याचे उपाय आपण आज पाहणार आहोत परंतु त्यापूर्वी आपण लठ्ठपणा वाढल्याने कोणते परिणाम होतात ते पाहूया… 

लठ्ठपणा वाढण्यामुळे उद्भवणाऱ्या समस्या:

१) मधुमेह: 

लठ्ठपणामुळे शरीरात इंसुलिनला योग्य प्रतिसाद मिळत नाही, ज्यामुळे टाईप २ मधुमेह होण्याचा धोका वाढतो. रक्तातील साखरेचे प्रमाण नियंत्रित ठेवणे कठीण होऊन जाते. 

२) हृदयरोग:

लठ्ठपणा वाढल्यामुळे हृदयावर ताण येतो, ज्यामुळे हृदयरोग, उच्च रक्तदाब, आणि ब्लॉकेज होण्याचा धोका वाढतो. शरीरात अधिक चरबी जमा होण्यामुळे रक्तवाहिन्यांमध्ये अडथळे निर्माण होऊ शकतात, ज्यामुळे हृदयाच्या कार्यावर परिणाम होतो.

३) उच्च रक्तदाब:

लठ्ठपणा वाढल्याने हृदयाला रक्त पुरवठा करण्यासाठी जास्त ताण येतो आणि त्यामुळे हृदयाला जास्त श्रम घ्यावे लागतात. यामुळे उच्च रक्तदाब, किंवा किडनीच्या समस्या उद्भवतात. 

४) शरीराची कार्यक्षमता कमी होणे:

लठ्ठपणा वाढल्याने शरीरात सुस्ती देखील वाढते आणि काही करण्याची इच्छा होत नाही. व्यक्ती एकाच जागी बसून असतो, त्यामुळे शरीराची कार्यक्षमता कमी होते. 

५) किडनीचे विकार:

लठ्ठपणामुळे किडनीवर अतिरिक्त ताण येतो, ज्यामुळे किडनीच्या कार्यावर परिणाम होऊ शकतो आणि यामुळे किडनीचे विकार उद्भवण्याची शक्यता वर्तवली जाते. 

६) अंगदुखी:

शरीरावर अतिरिक्त वजन असल्यामुळे हाडांच्या आणि सांध्यांच्या विकारांचा धोका वाढतो. हिप्स, knees, आणि पायांच्या सांध्यांमध्ये जास्त ताण येतो.

७) कर्करोग:

लठ्ठपणा काही प्रकारच्या कर्करोगाच्या धोक्याला वाढवतो, जसे की ब्रेस्ट कर्करोग, कोलन कर्करोग, आणि लिव्हर कर्करोग.
यावरून आपल्या लक्षात आलंच असेल की लठ्ठपणा हा किती धोकादायक ठरू शकतो त्यामुळे लठ्ठपणा कमी करण्याचे उपाय आपण करावे. या उपायांच्या मदतीने तुमचं वजन नियंत्रणात राहील आणि शारीरिक आरोग्य सुधरेल. परंतु हे उपाय नियमित करणे आवश्यक आहे. 

लठ्ठपणा कमी करण्याचे उपाय:

१) संतुलित आहार:

आपल्या नियमित आहारात ताजी फळे, भाज्या, आणि धान्य खावे. यामध्ये कमी कॅलरी आणि अधिक फायबर्स असतात. त्यामुळे लठ्ठपणा न वाढत तो कमी होण्यास मदत होते. प्रोटीनयुक्त पदार्थ म्हणजेच अंडी, चिकन, मासे, डाळी या पदार्थांचा आहारात समावेश करावा. जास्त मीठ असलेले पदार्थ, तळलेले पदार्थ किंवा जंक फूड टाळावे. तसेच आहारात साखरेचे प्रमाण कमी करावे. 

२) नियमित व्यायाम:

लठ्ठपणा कमी होण्यासाठी शरीराची नियमित हालचाल होणे अत्यंत महत्वाचे आहे. यासाठी आपल्या जीवनशैलीत नियमित व्यायाम करणे अनिवार्य आहे. यामध्ये योग, प्राणायाम, कार्डिओ, झुंबा, स्विमिंग, नृत्य, सायकल चालवणे, वेट ट्रेनिंग या व्यायामांचा समावेश आपण करू शकतो. 

३) ताणतणाव कमी करणे:

ताणतणाव वाढल्याने कोणतेही कार्य करण्यास सुचणे बंद होते आणि शरीराची हालचाल होणे थांबते, शरीर सुस्तावते. यामुळे मानसिक ताणतणाव कमी करण्याचा प्रयत्न करावा आणि नेहमी आनंदी राहून कार्य करत राहावे. 

४) योग साधना करणे:

योग साधनेमध्ये अनेक आसनं आहेत ज्यामुळे आपला लठ्ठपणा लवकर कमी होण्यास मदत होते आणि आपले आरोग्य सुदृढ होते. योग आणि प्राणायाम याचे आपल्या नियमित दिनचर्येत समावेश करावा. 

५) पुरेशी झोप:

उत्तम झोप होणे हे निरोगी आरोग्याचे लक्षण आहे, यामुळे वेळेत झोप घेणे आणि ७ ते ८ तास झोप होणे अत्यंत आवश्यक आहे. यामुळे आपले शरीर टवटवीत राहते आणि दिवसभर शरीरात ऊर्जा कायम राहतेल. यामुळे लठ्ठपणा कमी होण्यास मदत होते. 

हे सर्व लठ्ठपणा कमी करण्याचे उपाय आपण रोजच्या जीवनात वापरावे. यामुळे आपले स्वास्थ्य निरोगी राहण्यास मदत होते आणि शरीरातील लठ्ठपणा कमी होण्यास सुरुवात होते.